www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

2022-жылдын биринчи жарым жылдыгында Өзбекстанга импорттолгон азык-түлүк товарларынын 37,9% Казакстандан келген. Бул тууралуу өлкөнүн Мамлекеттик статистика комитети билдирди.

БУУнун Азык-түлүк жана айыл чарба уюмунун маалыматына караганда, Өзбекстан буудайга болгон ички суроо-талаптын 35% жакынын чет өлкөлөрдөн импорттойт. Анын негизги бөлүгү Казакстанга туура келет.

Казакстандын Айыл чарба министрлиги Орусия Украинага кол салгандан кийин жаралган дан азыктарынын жетишсиздигинен улам 15-апрелден тарта буудай менен унду экспорттоого үч айга чектөө киргизиле турганын билдирген.

Казакстандын бул чечими Өзбекстан ички азык-түлүк коопсуздугун камсыз кылуу үчүн чет өлкөлөрдөн 600 миң тонна дан азыктарын сатып алуу планын жарыялаган маалга туш келген.

4-апрелде Ташкент апрелден июлга чейин Казакстандан 100 миң тонна буудай сатып алууну пландап жатканын билдирген.

Статистика комитети Өзбекстанга импорттолуп жаткан азык-түлүк товарларынын 25,6% Орусиядан, 11,9% Бразилиядан, 4,3% Беларустан, 2,9% Пакистандан жана 17,4% башка өлкөлөрдөн келерин расмий билдирди.

Ошол эле маалда Өзбекстан январь-июнь айларынын аралыгында дээрлик 450 миллион долларга 821 миң тонна жашылча-жемиш экспорттогон. Бул өткөн жылдын ушул мезгилиндеги көрсөткүчкө салыштырмалуу 104 миң тоннага көп.

Булак: NazarNews.kg

Последние новости