Өзбекстан Республикасынын Президенти Шавкат Мирзиёев Казань шаарында БРИКС саммитинин алкагында Түркия Республикасынын Президенти Режеп Тайып Эрдоган менен жолугушту. 

Ар тараптуу стратегиялык өнөктөштүктүн өзбек-түрк мамилелерин мындан ары тереңдетүүнүн актуалдуу маселелери олуттуу түрдө талкууланды.

Эки мамлекеттин лидерлери саясий, соода-экономикалык, инвестициялык жана маданий-гуманитардык чөйрөлөрдө көп тараптуу кызматташтыкты өнүктүрүүнүн маанилүүлүгүн баса белгилешти.

Ошондой эле, геология жана минералдык ресурстарды казуу, электротехника, машина куруу, саламаттыкты сактоо, билим берүү жана башка тармактарда кызматташуу долбоорлорун илгерилетүүгө өзгөчө көңүл бурула тургандыгын жана маданий-гуманитардык иш-чараларды үзгүлтүксүз өткөрүп туруу зарылчылыгы белгиленди.

Лидерлер ошондой эле эл аралык жана аймактык күн тартибинин маанилүү аспектилери боюнча пикир алмашышты. Бул тууралуу president.uz билдирди.

Булак: NazarNews.kg