Өзбекстандын Бухара облусундагы Каракөл районунда 28 жаштагы келин үч күндүк наристесин көчөгө таштап кеткен. Бул тууралуу райондук ички иштер башкармалыгынын басма сөз кызматы билдирди.

Мекеменин маалыматына караганда, 8-августта саат 01:30дарда түнкү нөөмөттө жүргөн укук коргоо кызматкерлери Райондук оорукананын имаратына жакын жерде баланын ыйлаган үнүн угушкан. Жакын барып жашыл түстөгү баштыкка салынган 3-5 күндүк ымыркайды көрүшкөн. Аны балдар ооруканасын жеткирип, ага медициналык жардам көрсөтүлүп, дарыгерлердин көзөмөлүнө алынган.

Тергөөнүн жүрүшүндө ымыркай 2023-жылы 4-августта жеке үйдө медиктердин катышуусусуз төрөлгөнү аныкталган. 1995-жылкы апасы 7-августта аны баштыкка салып, көчөгө таштап кеткен.

Учурда да бул иш боюнча тергөө иштери уланууда.

Булак: NazarNews.kg