www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Орусиянын Украинага каршы агрессиясын актаган Өзбекстандагы ЖОЖ мугалими

Орусиянын Украинага каршы агрессиясын актаган Өзбекстандагы ЖОЖ мугалими "катуу эскертүү" алды

Журналист: ЭЛИЗА ХАМРАЕВА
11.04.2022, 15:33
8726
|

Орусиянын Украинага каршы агрессиясын актаган Анжиян мамлекеттик университетинин 67 жаштагы окутуучусу "катуу эскертүү" алды. Бул тууралуу аталган окуу жайдын Telegram-каналы кабарлады.

"Анонимдүү сурамжылоонун жыйынтыгына ылайык, студенттердин көбү (88-90%) мугалим өз сабагын жакшы билерин айтышты. Бирок 10-12% мугалим сабактын темасынан четтеп кетип жатканын белгилешкен. Алардын бул айткандары жарым-жартылай ырасталгандыктан, мугалимге катуу сөгүш жарыяланып, андан нормативдик-методикалык эрежелерден тайбай турганы жөнүндө түшүнүк кат алынды", - деп жазылган билдирүүдө.

Буга чейин Анжиян мамлекеттик университетинин студенттери мугалим сабакта Орусияны мактап, аларды Украина фашисттик өлкө экенине ишендирүүгө аракет кылып жатканына даттанышкан.

Көз карандысыз "Элтуз" гезитинин маалыматына караганда, сабак маалында окутуучу Буча шаарындагы жапырт адам өлтүрүүлөрдү украиналыктар өздөрү уюштурганын айткан. "Мугалим сабакты баштаган сайын Орусияны мактап, Украинаны нацисттер башкарып жатканын жана Донбасста сегиз жылдан бери украиндер орустарды өлтүрүп келгенин айтат", - деп билдиришкен студенттер.

Окуу жайдын басма сөз кызматынын маалыматына ылайык, бул окуядан кийин университеттеги бардык кафедра башчыларына сабак маалында окутуучулар белгиленген программадан чыкпашы жана саясий көз караштарын жайылтпашы керектиги эскертилди.

"Бул маселе боюнча Анжиян мамлекеттик университети Өзбекстандын расмий позициясын карманат", - деп жазылган басма сөз кызматтын билдирүүсүндө.

Буга чейин Өзбекстан президентинин басма сөз катчысы Шерзод Асадов Ташкент Украинадагы абал боюнча нейтралдуу позицияда экенин билдирген.

Булак: NazarNews.kg



Поделитесь с друзьями