Ош шаарындагы таксисттердин жоруктары боюнча Өзбекстандын айрым жарандары Кыргызстандын бийлигине арызданышты.

2-августта Telegram каналдарына тараган кайрылууда Орусиядан Ошко келген Өзбекстандын жарандарын таксисттер күч менен унаага отургузуп, чек арага чейинки 5-6 чакырым жерге ар бир кишиден 500 сомдон алып жатканы айтылат.

Авиабилеттин арзандыгынан Өзбекстандын жарандарынын көбү Орусияга учуп же ал жактан мекенине Ош шаары аркылуу кайтып келишет.

Өткөн жылы коңшу өлкөнүн айрым жарандары чек арадан өтүүдө Кыргызстандын аскер кызматкерлери акча талап кылып жатканын айтып, Кыргызстандын бийлигине кайрылышкан. Чек ара кызматы буга жооп катары мындай фактылар тастыкталбаганын билдирген.

Булак: NazarNews.kg