Украинанын президенти Владимир Зеленский өлкөнүн Куралдуу күчтөрүнүн аймактык коргонуу күчтөрүнүн командачысы кылып генерал-майор Игорь Танцюраны дайындады, деп айтылат мамлекет башчынын сайтында жарыяланган жарлыктын текстине ылайык.

"Генерал-майор Танцюр Игорь Иванович Украинанын Куралдуу күчтөрүнүн аймактык коргонуу күчтөрүнүн командачысы болуп дайындалсын", — деп айтылат документте.

Белгилей кетсек, буга чейин мамлекет башчысынын жарлыгы менен 1-январдан бери аны жетектеп турган бул бөлүктүн командири Юрий Галушкин кызматынан бошотулган, документ украин президентинин сайтында да жарыяланган.

Эске салсак, Орусия Украинага каршы согушту 24-февралда баштаган. Путин анын максаты "сегиз жылдан бери Киев режиминин басмырлоосуна, геноцидине кабылып келгендерди коргоо" жана бул үчүн "Украинаны демилитаризация жана денацификация" жасап жана Донбасстагы "жай жашоочулардын канына забын болгондорду" аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg