Аскар Акаев суракта Акылбек Жапаровго оор айыптарды илдиби? Бул тууралуу Кыргызстанда сап башында турган саясый гезит “АЗИЯnews” жазып чыкты.

Буга чейин Акылбек Жапаров: «Ар бир президент Кумтөрдөн үлүш алып турган», - деп интервью берген. Коомчулукта кайсы бир деңгээлде талкуу башталды. Көп өтпөй Аскар Акаев Москвадан учуп келип, УКМКга сурак берүүгө жетишти. Айрым билермандардын айтымында, Акаев өкмөт башчы Жапаровдун үстүнөн көрсөтмө берип, былыгын ачып атканы ыраспы? Оор айыптарды илдиби? Албетте, тергөөнүн сырына жараша сурактын жүрүшү азыр жарыяланбайт. Дегинкиси, Кумтөр чуулганы дээрлик президенттердин, көп чиновниктердин жүзүн ачууга, жазалануусуна жол ачат окшойт. Али кызыктар алдыда экенине беркүбүздөй ишенебиз, деп жазат “АЗИЯnews”.

Сандардын сазайын берген Акылбек Жапаров жакынкы аралыкта камакка алынышы мүмкүн. Бул тууралуу ишенимдүү булактар билдирет.

Булак: NazarNews.kg