Жалбырак менен төлгө ачып көрдүңүз беле...окуңуз...

Журналист: NAZARNEWS

22.03.2018, 5:27

87846

саясат

Жалбырак төлгө эски ыкма болгону менен Италияда бүгүн да өз баасын жогото элек. Мейли бак-дарак (лавр дарагы, ак кайың, байтерек, липа), герань, роза гүлүнүн же өгөй эне -өз эне, шалфей, сары чай чөптүн жалбырагы болуп төлгөчүлүк касиет-күчкө эгедер. Булардын ичинен байтерек менен ак кайың эң маанилүү "инструмент" катары бааланат. Сиз жактырган адамдын атын жалбыракка көмүр, бор же кызыл сыя менен жазып, шамалга учуруп жибериңиз.

Эгер адам аты түшүрүлгөн жалбырак абадан бийик көтөрүлсө - кубаныч, башкача айтканда, ой-тилегиңиз тез арада иш жүзүнө ашат дегендик.

Эгер жалбырак жапыз учса - кат аласыз же жакшы кабар угуп кулак сүйүнөт.

Эгер жалбырак бир багытта учпай, каалгый берсе -үйлөнүү той же көңүлдүү кечеге чакыруу түшөт.

Эгер сиз даярдаган төлгө жел менен кошо кетпей, жерге түшүп калса - жагымсыздыктын белгиси же оору тооруганын жышаналайт.

Жалбырак жерге тийип-тийбей учса эң жакшы белги, кызматтан көтөрүлөсүз, же кубанычтуу өзгөрүүлөр күтүлөт. Жалбырак төлгө көбүнчө батыштан соккон жел менен аткарылат. Ай жаңырганда биринчи күнү чак түшкө чейин чоңдор, ал эми жаштар күн батарда төлгө кылса-максаты орундалат, көздөгөнүнө жетет деп италия эли бул төлгөгө бөркүндөй ишенишет экен.

Булак: Сырдуу дүйнө