"Жапайы Арман" каймана аты менен белгилүү Арман Жумагелдиевди камакта кармоо мөөнөтү дагы бир айга, ушул жылдын 7-апрелине чейин узартылды. Бул тууралуу Tengrinews.kz Алматынын адистештирилген райондор аралык тергөө сотуна шилтеме берүү менен билдирди.

«2023-жылдын 6-мартында соттун чечими менен сотко чейинки тергөө органынын өтүнүчү канааттандырылып, Д.га карата кылмыш ишинин материалдары менен таанышуу мезгилинде камакта кармоо мөөнөтүн 2023-жылдын 7-апрелине чейин узартылды», - деп билдирди сот.

Буга чейин башкы прокурор Берик Асылов Жапайы Арманды УКМКнын куратору координациялап жатканын билдирген.

«Тергөө боюнча Алматыдагы Жумагелдиевге (Дикий Арман) өзгөчө роль берилген. Ал УКМКнын кураторунун координациясында иш алып барганын аныкталган. Ал тополоң уюштуруп, элди көзөмөлгө алып, бийликке бирдиктүү ультиматум талаптарын коюу үчүн “элдик кеңеш” түзүшү керек болгон”, - деди башкы прокурор Жогорку Кеңештин жыйынында.

39 жаштагы Арман Жумагелдиев 2022-жылдын 7-январында Алматы шаарында кармалган. Былтыр февраль айында ал УКМКнын СИЗОсуна которулганы кабарланган. Жапайы Арман Алматыдагы январь окуясы учурундагы тополоңдо 24 адамды барымтага алуу, бандитизм, опузалап акча талап кылуу, курал-жарак, ок-дарыларды жана жардыргыч түзүлүштөрдү уурдоо боюнча айыпталууда.

Казакстан Республикасынын Ички иштер министрлигинин алдын ала маалыматы боюнча, ал өткөн жылдын декабрь айында чет өлкөдөн келип, 5-6-январдагы тополоң маалында Алматыда болгон.

Булак: NazarNews.kg