Акыркы учурда Кыргызстанда согуш болуп аткандай эле жол кырсыгына кабылып, адам өмүрүн алган аламаттардын саны көбөйгөндүгү белгилүү. Бир кырсык болуп өткүчө куйрук улай экинчиси коштоп, айдоочулардын жөө жүргүнчүлөрдү койдуруп кеткен фактылар көп катталууда. Айрымдарынын бети ачылып, табылса айрымдар ушул күнгө чейин билинбей калган учур көп кездешүүдө.

Эми айдоочулар бутуп, дал ушул тармакты жөнгө салган патрулдук милициянын кызматкерлери эстафетаны кабыл алгандай. 31-май күнү Ош-Исфана жолунун 1-чакырымында патрулдук милициянын унаасы 6-класстын окуучусу Кыргыз-Кыштак айылынын кичинекей тургунун Өзгөн райондук патрулдук милициянын ага тескөөчүсү милициясы Арабаев Адахан кызматтык МВД 275В номурлуу унаасы менен сүзүп кеткен.

Кичине кыз катуу абалда ооруканага түшүп, кызматкердин иши боюнча териштирүү жүрүп жатыптыр. Бирок, кооптоно турчу жагдай “карга-карганын көзүн чукубайт” болуп, ал кылмыш бармак басты көз кысты болуп жатканын уктук.

Булак: "Айгай"