22-мартта Москванын жанындагы Crocus City Hall концерттик залына кол салуу болоор алдында Иран Орусияга террордук операция болушу мүмкүн экенин эскерткенин Рейтер агенттиги үч булакка таянуу менен билдирди.

“Тегеран кол салуудан бир нече күн мурун Москвага Орусияда болушу мүмкүн болгон ири теракт тууралуу маалымат берген. Маалымат Иранда жардырууларды уюштурган деген шек менен кармалгандарды суракка алуунун натыйжасында алынды", - деди агенттиктин маектештеринин бири.

Кремлдин басма сөз катчысы Дмитрий Песков Ирандын ыктымал эскертүүлөрүнөн кабары жок экенин айтты.

"Рейтер" маалымат булактарынын бири Ирандын Москвага берген маалыматында кол салуунун мүмкүн болуучу бутасы боюнча белгилер жок экенин белгиледи.

Ошол эле маалда Иран бийликтери Орусияга ИШИМдин “Хорасан провинциясы” тобунун айрым мүчөлөрү бул өлкөгө, балким, теракт жасоо максатында барышканын эскертти.

Эскерте кетсек, үстүбүздөгү жылдын 22-мартында Москванын жанындагы “Крокус Сити Холлдо” теракт уюштурулган. Америкалык чалгын кызматы ИШИМ террордук тобу террордук чабуулдарды жасоону пландап жатканын Орусияга эскертти.

Кол салуудан кийин жоопкерчиликти ИШИМ өзүнө алды. Орусия АКШнын террордук эскертүүлөрүнө эмне үчүн көңүл бурбаганы тууралуу талдоочулардын версиялары бул макалада кеңири баяндалат.

Булак: NazarNews.kg