Грек-рим күрөшү боюнча Дүйнөнүн эки жолку чемпиону Жоламан Шаршенбеков күрөш боюнча дүйнөлүк рейтингде биринчи сапка жайгашты. Бул тууралуу Бириккен күрөш дүйнөсү (UWW) маалымдайт.

Маалым болгондой, жаңыланган рейтинг Сербияда өткөн Дүйнө чемпионатынын жыйынтыгынан соң жарыяланды.

Бул жыйынтыктын аркасында кыргызстандык балбан 100 миң рейтингдик упайга ээ болуп, 60 килограмм чейинки салмак ченинде биринчи орунду ээледи.

Белгилей кетсек, Сербияда өткөн Дүйнө чемпионатында алтын медаль багындырган спортчулар Айсулуу Тыныбекова жана Акжол Махмудов дагы дүйнөлүк рейтингде биринчи орунга көтөрүлгөн.

Булак: NazarNews.kg