Жалал-Абад мамлекеттик университетинин алдындагы  Жалал-Абад колледжинин студенттери Көк-Жаңгак шаарындагы 52870-аскер бөлүгүнө барып, жоокерлердин бир күндүк жашоо турмушу менен таанышып кайтышты. Бул тууралуу колледждин директору Бариса Турдубаева билдирди.

Анын айтымында,жаштарды мекенчилдик сезимге тарбиялоо боюнча бир катар иш-чаралар пландаштырылып, анын алкагында аскер бөлүгүнө студенттердин атайын баруусу уюштурулду. Алар  жоокерлердин жашоосу жана күнүмдүк турмушу менен жакын танышып,Көк-Жаңгак шаарындагы 52870-аскер бөлүгүнүн жоокерлери менен баарлашып катышты.

Жоокерлер өздөрүнүн күнүмдүк жашоосу, курал-жабдыктар тууралуу кеп салып беришсе, студенттер өздөрү даярдап барган концерттик программасын тартуулоо менен жоокерлерге жакшы маанайтартуулашты.

Эске сала кетсек, Жалал-Абад колледжинде 18 адистик боюнча 2700дөн ашуун студент билим алат.

Булак: NazarNews.kg