Бүгүн, 14-сентябрда Жогорку Кеңештин жыйынында депутат Жусупбек Коргонбай уулу (Ноокат району) транспорт министри Эркинбек Осоевдин кызматтан кетүүсүн талап кылды.

Анын айтымында, буга Транспорт министрлиги Ош—Раззаков унаа жолун куруу боюнча тендерди уюштура албаганы себеп болгон.

«Транспорт министринин отставкасын талап кылам. Себеби, Япониядан 118 млн доллар грант келгенине карабастан Ош—Раззаков жолундагы тендерди уютуштура алышпады. "Жолду кеңейтебиз", - деп, элдин үйлөрүн бузуп салышкан. А жол дагы деле башталбай турат. Транспорт министри ишин аткара албаса, отставкага кетсин», - деди депутат.

Булак: NazarNews.kg