Террордук топтор качкындарга аралашып келиши мүмкүн. Мындай пикирди белгилүү журналист, акын Жыргалбек Касаболотов билдирди.

--“Ооганстанга батпай калган террордук топтор баарынан куугунтук жесе биздин жерге өткүсү келээри турган иш. Алар ачык курал менен да, качкындарга аралашып да келе бериши мүмкүн. Анткени Кыргызстанда жүрүп башка мамлекеттерге өтүү да, кырдаалды каалагандай пайдалануу да алар үчүн ыңгайлуу.

Ошондуктан чек араны жаап, айрыкча Кыргызстандын Тажикстан менен чектешкен көзөмөлсүз жерлерин, өзгөчө тоолуу райондорду жакшылап байкап, колдон келсе чалгын иштерин күчөтүү зарыл”, - дейт журналист.  

Кошумчалай кетсек, Ооганстан талбидердин карамагына кечээ, 15-августта өткөн.  

Булак: NazarNews.kg