www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ишкерлер мамлекеттик органдар тарабынан негизсиз кийлигишүүгө кабылса, прокуратуранын ишеним телефондоруна бардык учурда чалып кабарлай алат. Прокуратура кызматкерлери ар бир факты боюнча токтоосуз чараларды көрөт. Бул тууралуу Башкы прокурор Курманкул Зулушев «JIA» Бизнес-ассоциациясынын өкүлдөрү менен жолукканда маалымдады.
Маалыматка ылайык, жолугушууда мамлекеттик органдардардын көптөгөн текшерүүлөрүнүн ишкердикке тийгизген таасирлери, салык органдары тарабынан салынган ашыкча салыктардын кесепети, объектилерди куруу үчүн уруксат кагазын алуудагы түрдүү тоскоолдуктар айтылды. Муниципалдык бийлик тарабынан жер тилкелерин бөлүүдө жана аларды пайдаланууда пайда болгон көйгөйлөр боюнча сөз жүрдү.
Башкы прокурор Зулушев Президенттин ишкерлердин жана инвесторлордун мыйзамдуу укуктарын коргоо багытындагы 29-январдагы жана 4-мартындагы Жарлыктары боюнча көрүлүп жаткан чаралар тууралуу айтып өттү. Ошол эле учурда ишкерлердин укуктарын коргоо прокуратура органдарынын артыкчылыктуу багыттарынын бири экенин кошумчалады.
Жолугушуунун жыйынтыгында тараптар ишкердиктин субъектилеринин укуктарын коргоо багыты боюнча кызматташууну улантуу зарылдыгын белгилешти.
Булак: NazarNews.kg
< Предыдущий
Следующий >
Последние новости
