www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Орусиянын Тергөө комитетинин төрагасы Александр Бастрыкин Ульяновск облусундагы 16 адамдын өмүрүн алган кырсыкты иликтөөнү ИИМдин Башкы тергөө башкармалыгына өткөрүп берүүнү тапшырды. Бул туурасында РИА Новости жазды.
Буга кошо кырсыктын бардык жагдайларын аныктоону, унаалардын техникалык абалы боюнча документтерин изилдеп чыгууну жана жүргүнчүлөрдү коопсуз ташуу боюнча талаптардын аткарылышын текшерүүнү тапшырган.
Ал эми бул боюнча Кыргызстандын Орусиядагы элчилиги, консулдуктун кызматкерлери учурда Ульяновскиде жүргөндүгүн билдирди. Элчилик каза тапкан, жарадар болгон кыргызстандыктардын жакындары үчүн +7 (926) 861 50 98 номерлүү түз байланыш телефонун уюштурду.
ТИМде да түз байланышуу үчүн +996 508 628-588, +7 977 947 55 80, +996 551 312-000 (WhatsApp) телефон номерлери иштеп жатат.
Эске салсак, кечээ, 21-августта, жергиликтүү убакыт менен саат 14:00 ченде Ульяновск облусунун Николаевск районунда жүк ташуучу унаа токтоп турган маршрутканын артынан сүзүп 16 адам мүрт кеткен. Анын ичинен 14ү Кыргызстандын жарандары болуп чыкты. Дагы үч адам оор абалда ооруканага жеткирилген. Микроавтобус эки жүк ташуучу унаанын ортосунда жанчылып калган.
Булак: NazarNews.kg
< Предыдущий
Следующий >
Последние новости
