Быйыл июль айынан тарта томолой жетим балдарга карата «Келечекке салым» балдар аманаты ишке киргизилди, деп билдирди эмгек, социалдык камсыздоо жана миграция министри Жылдыз Полотова маалымат жыйында.

Анын айтымында, 18 жашка чыккан мындай баланын колуна 500 миң сом тапшырылат.

«Алар аталган каражатты билим алууга, ипотека үчүн алкачкы төлөм катары же олуттуу дарылануусуна колдоно алат. Ошондой эле алар менен иштей турчу 550 жаңы социалдык кызматкерди алуу маселеси каралууда», - деди ал.