Нью-Йорк шаарындагы 2001-жылдын 11-сентябрында болгон террордук чабуулдардан бери 4,5 миллиондон ашуун адам АКШ тарабынан уюштурулган согуштардын натыйжасында каза болгон. Бул тууралуу Браун университетинин Уотсон институтунун "Согуштун чыгымдары" изилдөө отчетунда айтылат. Мындай маалыматты NazarNews маалымат агенттигине кытайлык CCTV+ агенттиги билдирди.

Докладга ылайык, 2001-жылдын 11-сентябрындагы чабуулдардан бери АКШ Ооганстан, Пакистан, Ирак, Сирия, Йемен, Ливия жана Сомалидеги согуштарды козгоп, провокация кылып же аларга катышкан.

Бул согуштардын натыйжасында 4,5 миллиондон ашык адам өлгөн, анын ичинен эң аз дегенде 3,6 миллиону кыйыр түрдө согуштардан кийинки экономикалык кыйроо, азык-түлүк коопсуздугу, коомдук инфраструктуранын бузулушу сыяктуу көйгөйлөрдөн улам каза болгон, айрыкча аялдар жана балдар эң көп жапа чеккен.

Учурда Ооганстанда, Иракта, Сомалиде, Сирияда жана Йеменде беш жашка чейинки 7,6 миллиондон ашык бала өтө начар тамактанышат, деп айтылат докладда.

Булак: NazarNews.kg