Ош облусунун Кара-Суу районунун Савай айылында сабалган 81 жаштагы карыяга шектүү баланын туугандары кечирим сурашты. Бул тууралуу Савай айыл өкмөтүнөн билдиришти.

Карыя дүкөндөн чыгып келе жатканда шектүү бала бир чапканын, андан кийин эмне болгонун билбей калганын айтып берген.

Изделип жаткан баланын апасы Орусияда. Анын агалары келип кечирим сурап, инисин баары издеп жатышканын айтышкан.

Буга чейин аксакалды бетке тээп, кийин жыгылта тээп, аёосуз сабаган эргулдун видеосу жарыяланган. Учурда милиция окуяга күбө болгон жарандарга карыяны уруп жаткан адамга каршылык көрсөтүшкөн эмес деген негизде издөө салган.