Кыргызстанда билим жана медициналык кызмат алуу акысыз көрсөтүлүшү керек. Бул мыйзамда жазылган. Бирок, реалдуу жашоого келгенде негедир баары тескерисинче. Өлкөдө медициналык-санитардык жардам көрсөтүүнүн мамлекеттик кепилдиги боюнча дагы программа бар. Билим жана илим, медицина тармагы өтө өлө чырмалышып, коррупцияга батып кеткенин короодогу байланып турган күчүгүң деле билет.

Мындан мурдагы саламаттыкты сактоо министри Талантбек Батыралиев убагында “эми бейтаптар өзүлөрү акча берип жатышат” – деп кыйраткан сөзү бар! Кызык эле ээ? Албетте, бербесең өлтүрүп койгон атпайбы карабай! Айталы дегенибиз, ушул тапта №4-шаардык ооруканасында (Бишкек илимий-изилдөө борбору) 3-4 күндөн бери бир жаран 3-даражадагы күйүк менен жатат. Жанындагылардын айтымында байкуш жетим дагы экен. Дары-дармекке каражаты жок, медициналык кароодон өтпөй, келген күнү оролгон бинти менен онтоп жатат дешет жанында жаткан палаталаштары.

Урматтуу саламаттыкты сактоо министри Космосбек Чолпонбаев! Деги сиз жөнөкөй адам эмессиз, дары-дармек менен алектенген ФАРМафиозная компанияңыз бар деп угабыз! Ушул бир жакындары жок балага дары-дармектен кызганасызбы? Бир жардам берип койсо болобу? Бул тууралуу Фейсбук баракчасына “Сестра Земли” аттуу колдонуучу дагы жазып чыкты. Текст расмий тилинде жазылган. Маани-маңызы өзгөрүп кетпеши үчүн эч өзгөртүүсүз беребиз!

-В 4 горбольнице лежит парень 26 лет , у него ожоги третий степени, он сирота и ему требуется помощь! Он там совсем один без помощный , врачи бездейсвуют ... ему за три дня не сделали перевязки, он мучается от боли и страдает т к нет средств чтоб оплатить лечение! Вчера мы собрали продукты и необходимые вещи , сегодня приехали и ужаснулись как к нему там относятся он никому не нужен ! Все неравнодушные кто может помочь едой бинтами мазями пожалуйста откликнитесь. Вот номер девушки которая ему помогает 0709005506

Булак:NazarNews.kg