«Улуттук идеологиябыздын өзөгү улуттук наркта», - деди бүгүн, 24-майда NazarNews маалымат агенттигине коомдук ишмер Абдырахман Маматалиев.

- Саламатсызбы, Абдрахман агай, президент «Улуттук нарк жөнүндө» Жарлыкка кол койду. Бул жарлык улутубуздун улуулугун даңазалап, уңгубузду табышыбызга салым кошобу?

- Бул Жарлык бери дегенде 25 жылга кечикти. Эгер, Аскар Акаев өз ишмердигин улуу кыргыз элинин нарк-насилин, каада-салттарын, үрп-адаттарын ыйык сактоого өзгөчө көңүл буруп баштаганда, биз өз тарыхын билип, келечегине кең жол салган, нарктуу, барктуу өлкөдө жашамакбыз.

Жаңы муундагы жетекчилер коррупциядан алыс болуп, ар-намысты туу тутуп, элибиздин жаркын келечеги, өлкөнүн өнүгүүсү үчүн гана иштешмек.

Улуттук идеологиябыздын өзөгү ушул жерде. Албетте, коом тазаланат, унутулуп бара жаткан ыйык салттарыбызды кайра жандандырып, ар-намысты туу тутуп, элибиздин ынтымагын бекемдеп, башкалар суктангандай гүлдөп-өскөн мамлекет курабыз деп ишенип туралы.

Булак: NazarNews.kg