Аялын өлтүрүп көмүп салган эркек 10 жылга түрмөгө кетти

Журналист: NAZARNEWS

25.07.2018, 4:41

22553

кылмыш жана кырсык

Манас райондук соту аялын өлтүрүп көмүп салган У.Б. аттуу адамды 10 жылга эркинен ажыраткан. Бул тууралуу басма сөз маалымат каражаттары жазып чыгууда.

Бизге жеткен маалыматтарга таянсак, У.Б. 2017-жылы Чоң-Капка айылында аялы Э.А. күрөк менен башка чаап өлтүрүп, денесин сарайдын жанына көмүп салган.

Шектүүнүн айтымында, аялы менен 2014-жылы таанышкан. Баш кошкон соң Ленинское айылында жашап турган.

Аз убакыттан соң ал Чоң-Капка айылында чабан болуп иштей баштаган. Окуя болгон күнү аялы экөө бир таанышы менен чогуу арак ичишкен.

Жубайы менен чатакташа кеткен чабан аны,күрөк менен башка чаап жиберген.Башынан кан аккан аялын үйүнө алып кирип,жаракатын моюн орогуч менен ороп берген.

Андан кийин эч нерсе болбогондой эшикке иштери менен чыгып кеткен. Арадан жарым саат өткөндөн кийин кайтып келсе аялы каза болуп калган.

Кылмыш ишин жашыруу максатында анын денесин сарайдын жанына көмүп салган.

Кожоюну аялынын кайда кеткендигин сураганда ал башка жакка батага кеткендигин айтып койгон.

Сот аны күнөөлүү деп таап,10 жылга эркинен ажыратты.

Булак: NazarNews.kg