Депутат кыргыз-өзбек чек арасындагы “Достук” бекетинен өткөндөрдөн мыйзамсыз акча талап кылынып жатканын айтты. Бул тууралуу Жогорку Кеңештин 11-майдагы жалпы жыйынында депутат Айбек Осмонов билдирди.

Ал парламент төрагасына кайрылып, маселеге көңүл буруу үчүн бажы жана чек ара мекемелерине тийиштүү тапшырма берүүнү өтүндү:

"“Достук” бекетинен Өзбекстанга өткөн элдерибиз абдан кыйналып жатыптыр. Анткени экиге бөлүнүп калыптыр – акча берип өткөндөргө өзүнчө, акча бербегендерге өзүнчө пост бар экен. Бул эмне деген нерсе? Ошого протоколдук тапшырма берип койсоңуз бажычыларга жана чек арачыларга. Мындай болбойт да. Бүт соода-сатык жана мамилелешкен Өзбекстан менен чек арада бул чоң көйгөй болуп жатыптыр”, - деди ал.

Булак: NazarNews.kg