АКШ Сенатында президент Трамптын коопсуздук боюнча мурдагы жардамчысы Майкл Филинндин орусиялык саясатчылар менен байланышы тууралуу ишти угуудан бир сутка өткөндөн кийин Акүй ФБР башчысы Жеймс Комини иштен алды.

Сенаттын юридикалык комитети Орусиянын АКШнын шайлоо кампаниясына кийлигишүүсүн дагы талкуулаган. Бул иликтөөнүн башында буга чейин Жеймс Коми турган.

Дональд Трамп ФБРдин мурдагы башчысына жолдогон катында отставканын себептерин түшүндүрдү. “Иликтөөнүн объектиси эмес экенимди үч жолу кабарлаганыңызга ыраазы болгонум менен ФБРди эффективдүү башкарууга кудуретсиз деген юстиция министрлигинин позициясына макулмун”– деп жазган ал.

Акүй атайын кызматтын жаңы директорун издөө токтоосуз түрдө башталарын билдирди. Коми мекемени 2013-жылдан бери башкарып келген.

Булак: "centralasian.org"