АКШнын Дүйшөмбүдөгү элчилиги тажик чек арачыларына радиостанция, жүк ташуучу унаа жана «Jeep J8» жол тандабастарынын тетиктерин тапшырды. Рация менен жүк ташуучу унаалардын баасы 1,1 млн долларды түзөт, деп айтылат элчиликтин маалыматында.

Ал эми жол тандабастын тетиктери, аларды оңдоо жайын куруу менен унаа оңдоону окутуу иштери 1,85 млн долларга бааланган. 2021-жылы ноябрда АКШ Тажикстанга 18 «Jeep J8» үлгүсүндөгү жол тандабас унаасын берген.

Аларды оңдоо жайын куруу жана жаңы тетиктерди тапшыруу, унаалардын көп жыл кызмат өтөөсүнө мүмкүнчүлүк берет. 1992-жылдан бери АКШ Тажикстанга коопсуздук жаатында 330 млн долларлык жардам көрсөткөн.

Булак: NazarNews.kg