Украинанын президенти Владимир Зеленскийдин АКШга сапары Владимир Путинге Вашингтон Киевди колдоону токтотпой турганынан кабар бериши керек. Бул тууралуу Eurasia Today жазып чыкты.

Бул тууралуу АКШ администрациясынын жогорку даражалуу өкүлү брифинг учурунда билдирди.

Ал Зеленскийдин Вашингтонго сапары Америка канча убакыт керек болсо, Украина менен ошончо болору тууралуу Путинге жана дүйнөгө "сигнал" деп атады.

Анын пикиринде, орус президенти “украиндар моюн сунуп, НАТО бөлүнүп кетет” деп жаңылган.

Ак үйдүн өкүлүнүн айтымында, АКШ жаңжалды “адилеттүү шарттарда” токтотууга мүмкүндүк бере турган дипломатиялык жолду азырынча көрө элек. Ал Вашингтон "Украинанын өзүсүз Украина жөнүндө эч нерсе болбойт" деген принципти кармануусун улантып жатканын жана Зеленскийди сүйлөшүүлөргө түртпөй турганын баса белгиледи.

АКШ Украинага аскерлерин жөнөтпөйт

Администрациянын кызматкери АКШ азыр да, келерки жылы да Украинага аскерлерин жибербей турганын президент Жо Байден ачык айтканын эске салды.

"Украинага өзүн коргоого жардам берүү үчүн биз миллиарддаган жана миллиарддаган долларлык аскердик техникаларды жана заманбап курал-жарактарды жөнөтүп жатабыз", - деп сөзүн жыйынтыктады АКШнын жогорку даражалуу аткаминери.

Ошол эле учурда ал Вашингтон Москва менен түз тирешүүнү көздөбөй турганын баса белгиледи. Анын айтымында, бул позиция Владимир Зеленскийдин 21-декабрда АКШга боло турган бир күндүк иш сапарынан кийин да өзгөрбөйт.

Буга чейин америкалык жана украиналык ЖМКлар Зеленский сапар менен АКШга барарын жазып чыгышкан.

Ак үй Зеленский Вашингтонго 21-декабрда Байдендин чакыруусу менен келерин тастыктады.

Мамлекет башчылары Ак үйдүн улуттук коопсуздук боюнча командасынын негизги мүчөлөрү менен жолугушат, андан соң украин президенти журналисттердин алдында сүйлөп, Конгрессте сөз сүйлөйт.

Россия Украинага курал-жарак жеткиргени үчүн НАТО өлкөлөрүнө нота жөнөттү. Тышкы иштер министри Сергей Лавров Киев үчүн курал-жарак камтыган ар кандай жүк орус аскерлери үчүн мыйзамдуу бутага айланарын белгилеген.

Кремль Украинаны Батыштын курал-жарактары менен толтуруу жаңжалды гана узартат деп белгилеген.