Батыш саясатчылары Украинанын президенти Владимир Зеленскийдин Польшада ракета кулагандан кийинки билдирүүсүндө НАТО менен Орусиянын ортосунда жаңжал чыгаруу аракетин көрүштү. Бул тууралуу The Wall Street Journal (WSJ) гезити жазды.

Айрым батыш расмийлери Украинанын альянсты Москва менен түз жаңжалга түртүү аракетинен дагы эле чочулап турушат, дешет байкоочулар.

"Ошол түнү болгон окуя чыр-чатактын башталышынан бери болуп келе жаткан чыңалууну ачыктады: Киев НАТОнун Украинадагы ролун бекемдөөгө үмүттөнсө, Вашингтон жана анын европалык союздаштары альянс менен Орусиянын ортосунда түздөн-түз чыр-чатакты жаратуучу кадамдардан качышат", - деп айтылат материалда.

Кошумчалай кетсек, европалык жана америкалык саясатчылар Зеленский бул өзгөчө кырдаалды НАТОну чыр-чатакка көбүрөөк тартуу мүмкүнчүлүгү катары колдонууга аракет кылганбы деп таң калышууда. Батыш расмийлеринин айтымында, Киев Орусиянын атайын операциясынын ар кыл баскычтарында НАТОну тартууга аракет кылган.

Эске салсак, 15-ноябрда Польшанын Пржеводув кыштагынын аймагына ракета кулап түшкөн. Окуянын кесепетинен эки адам каза болгон. Кээ бир Батыш саясатчылары сөз орусиялык ракета жөнүндө болуп жатат деген пикирлерин айтышты. Эртеси АКШнын президенти Джо Байден айткандай, Орусиядан Польшага ракета учуруусу күмөн. Ал ошондой эле НАТОго жана G7 өнөктөштөрүнө Польшадагы окуя Украинанын абадан коргонуу күчтөрүнүн ишинин натыйжасы болгонун эскертти.

Өз кезегинде Владимир Зеленский адегенде ал украин ракетасы эмес экенине ишенерин билдирди. Бирок кийинчерээк украин лидери Польшага түшкөн ракеталар орусиялык экенине 100% ишенбей турганын тактады.

Орусиянын БУУдагы туруктуу өкүлү Василий Небензя Украина менен Польша Орусияны негизсиз айыптап, Орусия Федерациясы менен НАТОнун ортосунда түз кагылышууну жаратып жатканын белгиледи.

Булак: NazaNews.kg