Активист Ырыс Жекшеналиевдин үйү тинтүүгө алынды. Анын видеосу Bashta Telegram каналына жарыяланды.

Кадрларда чачылган нерселер көрүнүп турат. Видеонун автору издөө иштери кечээ саат 18.20да жүргүзүлгөнүн айтат.

14-августта милиция кызматкерлери Фейсбуктагы "Полит Узник" баракчасынын администратору Ырыс Жекшеналиевди алып кетишкен. Ал ИИМдин тергөө кызматына жеткирилип, андан соң кармалган.

Кийинчерээк УКМКнын экс-төрагасы Абдил Сегизбаев суракка чакырылган.

Эске салсак, мамлекет башчы Садыр Жапаров Жетим-Тоо кенинин айланасындагы кырдаал боюнча комментарий берген. Ал бул тармакты өнүктүрүүгө каршы чыккан активисттер менен саясатчыларды элди алдаганды токтотууга чакырды. Ырыс Жекшеналиев Бишкектеги СИЗО-1ге эки айга жайгаштырылды.

Булак: NazarNews.kg