Алматы шаарынын маслихатынын кезексиз XVIII сессиясы өтүп, анда депутаттар Алматы шаарынын акимчилигинин согуш ардагерлерине 1 миллиондон теңге (2226 доллар) өлчөмүндө жөлөк пул бөлүп берүү сунушун колдошту.

Белгилей кетсек, буга чейин Бостандык районунун калкы менен жолугушууда шаар акими Ерболат Досаев ардагерлерге материалдык колдоо көрсөтүү демилгесин көтөргөн.

Жеңиш күнүнө карата:

- Экинчи дүйнөлүк согуштун 75 катышуучусуна жана майыптарына 1 миллион теңгеден бир жолку жөлөк пул берилет;

- Улуу Ата Мекендик согуштун катышуучуларына жана майыптарына жеңилдиктер жана кепилдиктер боюнча теңдештирилген 4544 адам: Улуу Ата Мекендик согуштун катышуучуларынын жесирлери, Ооганстанда курман болгон согушка катышкандардын үй-бүлөлөрү, башка мамлекеттердин аймагындагы согуштук операциялардын ардагерлери төлөмдөрдү алышат. 100 миң теңге (222 доллар),

- 10 миңден ашык жаран, алардын ичинен эмгек фронтунун катышуучуларынын ар бирине 50 миң теңгеден (111 доллар) төлөө пландаштырылууда.

Ошондой эле Казакстандын аймагында санаториялык-курорттук дарылануу үчүн компенсация менен камсыз болгон жарандардын муктаж категорияларынын тизмеси кеңейтилди. Төлөмдөр майрамга чейин төлөнөт.

Булак: NazarNews.kg