Кыргызстандын дзюдо боюнча жаштар жана өспүрүмдөр курамасы Алматы шаарында (Казакстан) өтө турган Бекет Махмутовдун жаркын элесине арналган Азия кубогуна катышат. Бул тууралуу Дене тарбия жана спорт департаментинен билдиришти.

Маалым болгондой, мелдеш 7-9-апрель күндөрү өтөт. Ага Кыргызстан, Казакстан, Өзбекстан, Тажикстан, Түркмөнстан, Монголия, Гонконг, Греция, Грузия жана АКШдан келген 400 дөн ашык спортчу катышат. Кыргызстандан 111 спортчу жана 25 калыс барат.

Белгилей кетсек, аталган мелдеш быйыл алтынчы ирет өтүүдө.