Бишкек шаарынын мэри кызматына вице-премьер-министр Алтынай Өмүрбекованын талапкерлиги сунушталууда. Ал бул орунга альтернативдүү талапкер катары барууда. Кечээ шаардык кеңештин көпчүлүк коалициясы Азиз Суракматовдун талапкерлигин бир добуштан сунуштаган болчу.

Бирок, А.Суракматовдун дарегине жарандык коом тарабынан сын-пикирлер көп болууда. Ал эми А.Өмүрбекова боюнча коомчулуктан азырынча жылуу пикирлерди гана угууга болот. Ал буга чейин шаардын Ленин, Свердлов райондорун башкарган, ЖК депутаты болгон, быйылкы жылдын апрелинен баштап вице-премьер-министр кызматын аркалап келатат.

Булак: NazarNews.kg