Азыр таш ыргытсаң саясий серепчилердин башына тийери жашыруун эмес. Өкүнүчтүүсү ошол серепчи сөөрөйлөр ким бийликке келсе ошонун ырын ырдап, бийликтен кеткендерди жаманатты кылганды өнөргө айлантып, серепчи аталып жүрүшөт.

Мына Атамабев президент кезинде айга-күнгө теңеген Марат Казакбаев менен Бакыт Бекетаев дегендер бүгүн башкача обон созуп жаткан кездери. Бакыт Бекетаев экс-президентке көлдөлөң болуп төшөлө калчу эле, азыр болсо «камалыш керек» дегенди айтууда. Марат Казакбаев болсо «Атамбаевдин жакындары конкреттүү иштер менен кармалып жатышат», - деп жаңылык ачкандай үн катты.

Кечээ эле ушул экөө Атамбаевдин командасы мыкты иштеп жатат дегендердин көч башында турчу. Кубулганда хамелеондун эсин оодарган бул экөөнү жер кантип көтөрүп жатты болоду экен?..

Булак: "Ачык саясат"