www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
"Кыз-жигит Сармерден" долбооруна шайыр жеңе болуп ырчы Анара Шаимкулова тандалды. Бул тууралуу аталган долбоордун продюсери Сагын Ниязалиева маалымдады.
Анын айтымында, кастингге 30га чукул ырчы кыз-келин катышкан, алардын арасынан бул айым өзүн мыкты көрсөткөн.
"Шайыр жеңени тандоого атайын калыстар тобу түзүлгөн. Алардын арасында Гүлсүн Мамашева, Адылбек Кыязов, Шахра Талипова сыяктуу Эл артисттери, маданият каналынын жетекчилиги да болду. Кастингге катышкан кыздар үч турдан өтүп, соңунда ырчы Анара Шаимкулованы тандап алдык. Ал комузда кол ойнотуп, өзүн сахнада эркин алып, жакшы сүйлөгөндүгү менен шайыр жеңенин ордуна татыктуу деп тандалды", — деди Сагын Ниязалиева.
Ал ошондой эле, "Сармердендин" быйылкы сезону Нооруз майрамына карата даяр болуп каларын кошумчалады.
Анара Шаимкулова кыргыз фольклордук ырчылардын көрүнүктүү өкүлдөрүнүн бири.
Белгилей кетсек, буга чейинки шайыр жеңе Гүлбү Орозкул кызы былтыр октябрь айында мезгилсиз дүйнөдөн кайткан. Ал эми ага чейинки шайыр жеңе Гүлзат Батырканова 2015-жылдын башында жол кырсыгынан бул дүйнө менен кош айтышкан.
"Кыз-жигит Сармерден" теледолбоору 2012-жылдан бери көрсөтүлүп келет.
Былтыр долбоор 5 жылдык мааракесин белгилеген.
Булак: NazarNews.kg
< Предыдущий
Следующий >
Последние новости
