www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 30-апрелдеги Жогорку Кеңештин жыйынында «Кыргыз Республикасы жана Азия өнүктүрүү банкынын ортосундагы 2019-жылдын декабрь айында Бишкек шаарында кол коюлган кредиттик макулдашууну (Нарын облусунун айылдарын суу менен камсыздоону жана санитариясын жакшыртуу программасы) ратификациялоо тууралуу» мыйзам долбоору каралды. Бул тууралуу Жогорку Кеңештин басма сөз кызматы билдирди.
КР Өкмөтүнүн алдындагы Суу ресурстары боюнча мамлекеттик агенттиктин директору Көкүмбек Таштаналиев баяндама жасап, Нарын облусунун айылдарын суу менен камсыздоону жана санитарияны өнүктүрүү программасын жүзөгө ашырууга Азия өнүктүрүү банкы тарабынан 32.9 млн АКШ доллары бөлүнөрүн маалымдады.
Белгилүү болгондой, Азия өнүктүрүү банкынын атайын фондунан 13.7 млн АКШ доллары өлчөмүндө грант, 13.7 млн АКШ доллары насыя түрүндө алынат. Кыргыз Республикасынын Өкмөтү тарабынан 5.5 млн доллар өлчөмүндө кош каржылоо жасалып, бул каражат салыктарга жана долбоорду ишке ашырууну колдоого жумшалат.
Азия өнүктүрүү банкынын насыя берүүдөгү финансылык шарттары тууралуу сөз кылган Көкүмбек Таштаналиев: «Насыя 32 жылга, анын ичинде 8 жылга 1% жана 1.5% үстөк коюлуп, жеңилдетилген мөөнөткө берилет. Долбоорду аткаруу мөөнөтү 6 жыл», - деди.
Талкуу соңунда мыйзам долбоору биринчи окууда добуш берүүгө жөнөтүлдү.
Булак: NazarNews.kg
< Предыдущий
Следующий >
Последние новости
