Кыргыз Республикасынын Премьер-министринин милдетин аткаруучу, биринчи вице-премьер-министр Артём Новиков өлкө башчыны мөөнөтүнөн мурда шайлоодо жана өлкөнүн башкаруу формасын аныктоо боюнча референдумда добуш берди.

«Бул тандоо өлкөбүздүн келечектеги чыңалышына жана өнүгүшүнө кызмат кылат деп ишенем. Башаламандык болгон жок, бюллетендер так, каттоодо жана добуш берүүдө көйгөйлөр болгон жок, санитардык ченемдерди сактоо боюнча бардык чаралар да так аткарылды.

Бул шайлоолор ачык жана айкын өтүп, чоң мыйзам бузуулар болбойт деп үмүттөнөм», - деди Новиков.

Ошондой эле, ал кандай башкаруу формасына добуш бергенин айтуудан баш тартты.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg