Кечээ жакында эле айрым басма сөз маалымат булактарына Аcылбек Жээнбеков ушул тапта “Замандаш” саясий партиясына тымызын колдоо көрсөтүп жатат жана парламентке “Замандаш” менен аттанат деп жазышкан, буга сиздин жообунуз кандай? Жеңиш Молдокматов, “Замандаш” саясий партиясынын лидери: “Замандаш” саясий партиясынын түзүлүп, түптөлүп, саясий айдыңда активдүү иш алып барганына быйыл 10 жыл болду. Ал эми “Замандаш” ассоциациясы 2003-жылдан бери иштеп, 10 миңдеген сырттагы мекендештерибизге жардам кылып, өзүнун колдоосуна алып келет. Партияны четтен каржылоонун эч кажети жок. Жалпыга маалым болгондой, Асылбек Шариповичтин СДПКда экенин баардыгыбыз билебиз жана партияга эч кандай тиешеси жок, болгон да эмес. Ушул тапта биз 10 жылдык мааракебизге карата иш чараларды өткөрүп жатабыз. Бүгүнкү кундө Кыргызстандын белгилүү инсандары партияны куттуктап, каалоо- тилектерин айтып, бата берип жатышат. Партиянын аткарган иштери арбын, эмгектери зор. Андыктан “Замандаш” чыныгы элдик партия деп эсептейбиз. Ушул тапта партиянын курамы жаңы адамдар менен толукталууда жана биргеликте чоң иштер аткарылып жатат. Асылбек Шарипович менен өзүңүздүн мамилеңиз жакшы деп угабыз?
Асылбек Шарипович менен мамилем абдан жакшы жана жеке инсан катары абдан сыйлайм.
Сыр болбосо партиянын каржы булактарын айтсаңыз?Жогоруда белгилегендей, партия буга чейин өзүн-өзү каржылап келген, бүгүн да ошол көрүнүш. Ошондой эле, “Замандаш” мигранттардын курамынан чыккан соң, бүгүнкү күнү сырттагы мекендештерибиз абдан зор салым кошууда. Жакынкы кундөрү ири долбоорлор коомчулукка чыгат, кудайым буйруса.
Маегиңизге рахмат, партиянын иштерине албан ийгиликтерди каалайбыз, 10 жылдык мааракеңиздер менен куттуктайбыз! - деп жазат "Чындык" агенттиги.

Булак: NazarNews.kg