Бүгүн Жогорку Кеңеште депутат Наталья Никитенко Олимпиада оюндарына катышуучу спортчулардын кийими боюнча сөз кылды. Депутат: “Эмне үчүн Ата Мекендик өндүрүш компаниясы Олимпиада оюндарынын катышуучуларын кийим менен бекер камсыздап, белек катары беребиз деп жатса, эмне үчүн Өкмөт тендерге 5 миллион сом жумшап жатат? Эмне спорт үчүн, мамлекет үчүн акча ашыкча болуп жатабы? Ушул 5 миллион сомду Олимпиада  оюндарынынын катышуучуларына жумшасак болбойбу? Мекенчилдикти көкүрөк каккылап, куру сөз менен айтуунун ордуна практикада көрсөтсөк болбойбу?”,-деп нааразычылык билдирди.

Эскерте кетсек, Ата Мекендик Bigser Sport компаниясы Токио-2020 оюндарына белек катары бекер форма берүүнү 11-январда сунуштаган. Аталган компаниянын өкүлдөрү компаниянын товарларынын сапаты жогору экендигин белгилешти.

Бирок Жаштар иштери , дене тарбия жана спорт боюнча мамлекеттик агенттиги дизайнерлер арасында салтанаттуу жана спорттук жабдыктары боюнча сынак жарыялаган.

31-январда Улуттук олимпиадалык комитети Кыргызстандын курама командасы кытайлык фирманын экипировкасы менен Олимпиада оюндарына катышаарын билдирген.

Булак: NazarNews.kg