Атактуу сериалдын продюсерин өз коллегасы уу берип өлтүрдү

Журналист: МЭЭРИМАЙ АЛЫБЕКОВА

29.12.2020, 4:30

26551

дүйнө жүзүндө

Дэвид Бениофф жана Дэниел Уайсстын атактуу «Игры престолов» сериалынын жаңы проектиси болуп саналган «Задача трех тел» сериалынын продюсерин өз коллегасы уу чылап берип өлтүрдү.

Каза болгон 39 жаштагы Лин Ци шоунун продюсери гана болбостон, Yoozoo Games студиясынын негиздөөчүсү да болгон жана «Игры престолов» сюжетинин негизинде түзүлгөн оюндарды чыгаруу менен алектенген.

Анын өлүмүнө башкы шектүү катары аталган компаниянын кызматкери жана кино өндүрүү бөлүмүнүн жетекчиси Сю Яо саналып, азыркы тапта ал камакка алынганы маалым болду.

Маалыматка ылайык, Лин Ци чыныдагы ууну ичип алгандан кийин көз жумган. 16-декабрда ал ооруканага жаткырылганына карабастан дарыгерлер анын өмүрүн сактап кала алышкан эмес.

Белгилүү кытай жазуучусу Лю Циньин тарабынан жазылган «Задача трех тел» дүйнөлүк абройго ээ жана көптөгөн адабий сыйлыктардын ээси.

Comicbook порталынын маалыматына ылайык, Ци каза болгондугуна байланыштуу, Netflix китептин негизинде тартыла турган сериалдын ишин токтотту.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg