Алмазбек Атамбаевдин уулу Сейтек Атамбаев дагы ооруп, медициналык жардам алып жатканын айтып чыкты.

"Оору эч кимди аябайт жана тандабайт экен. Бүгүнкү абал биздин үй-бүлөбүзгө дагы таасир берди. Урматтуу мекендештер! "Сактанганды сактайм" дейт Аллахыбыз. Аралыкты сактап, үйгө обочолонуп, бири-бириңиздерге конокко баруудан баш тартып турууга чакырам! Жакшы күндөр али алдыда! Буйруса биз бул илдетти жеңебиз! Ден соолукта болуңуздар!

Медицина кызматкерлеринин кесиптик майрамы менен чын жүрөктөн куттуктайм! Бүгүнкү күндүн баатырларына таазим кылып, алардын элине кылып жаткан эмгектери үчүн ыраазычылык билдирип баш ийем! Медицина кызматкерлерибиз ар дайым ден соолукта, аманчылыкта жана бакубатчылыкта болушун каалайм!", - деп жазып чыкты.

Белгилей кетсек, Алмазбек Атамбаев эки тараптуу пневмония диагнозу менен президенттин алдындагы иш башкармалыгына караган атайын оорукананын "кызыл зонасында" жатканы маалымдалган.

Мындан сырткары, Сеид Атамбаев пневмониядан жабыркап, ооруканада жатканын билдирген.

Булак: NazarNews.kg