Атты да мине билиш керек, калпты да айта билиш керек

Журналист: АЗИЗБЕК КЕЛДИБЕКОВ

31.07.2022, 13:23

24619

эл пикир

“Косягы” жок камалып, сегиз айдан соң Курманкул Зулушевдин колу менен акталып чыгышкан Садыр Жапаров, Камчыбек Ташиев жана Талант Мамытов: ”Ким көп калп айтат?” –дешип мелдеше кетет.

-Мен бир жолу аңчылыкка чыгып, учуп бараткан өрдөктөрдү аттым эле, бапыратып беш өрдөктү катар атыптырмын, бешөө талп этип жыгылып калса болобу, -дейт Камчыбек Ташиев.

- “Беш өрдөк” жакшы, бирок катары менен учуп бараткан беш өрдөктү атса болот. –дешет.

-Мен бир жолу аңчылыкка чыгып, качып бараткан кийикти аттым эле, кулагы менен туягына тийиптир. –дейт Талант Мамытов.

-Калп дурус, бирок туягы менен кулагын кашынып жаткан кийикти атса болот, -дешет.

-Мен бир жолу ресторанда отурушкан жалаң ОБОНчу аялдарга көңүл салдым. Алардын эч кимиси үн катпай тыптынч отурганын көрүп таң калдым. -дейт Садыр Жапаров.

-Кантип, ОБОНчулар бир ооз сөз айтпай отурушсун, мунуңуз калп го. –дешет беркилер. Ошентип, калп айтуу боюнча мелдеште Садыр Жапаров утуп кетиптир.

Азизбек КЕЛДИБЕКОВ, NazarNews.kg