Австралияда курултай өттү

Журналист: NAZARNEWS

25.05.2017, 20:16

18175

саясат

Австралиянын жергиликтүү урууларынын жүздөгөн жолбашчылары Австралиянын биринчи жашоочуларын формалдуу түрдө тааныгандыгына арналган тарыхый курултайга чогулушту. Аборигендер үчүн ыйык саналган Улуру аскасындагы үч күндүк жолугушуу өлкөнүн жергиликтүү калкынын укуктарын таануунун 50 жылдыгына арналды.

1967-жылы 27-майда Австралияда референдум болуп өтүп, анын жыйынтыгы боюнча өлкөнүн Башмыйзамына өзгөртүүлөр киргизилген, ага ылайык жергиликтүү калктын кызыкчылыктарын коргогон атайын мыйзамдардын кабыл алуусуна уруксат берилген жана австралиялык аборигендердин парламенттеги орундарынын саны такталып, каржы бөлүштүрүү жана башка чечимдер кабыл алынган. Мындай өзгөртүүлөрдү кабыл алууга шайлоочулардын 90,2% добушу берилип, өлкөнүн бүтүндөй тарыхында эң жогорку көрсөткүч болгон. Бирок өлкөнүн конституциясында аборигендер мурдагыдай эле аты аталбайт.

Катышуучулардын айтуусу боюнча, бул курултай жергиликтүү калкты таануу жөнүндөгү маселеде бирдиктүү пикирге келүүгө жардам берет дешет. Аборигендер Австралиянын 24 миллион калкынын 2,5% пайызын түзөт.

Булак: «NazarNews.kg»