Кыргызстанда ишеним кат менен айдап жүргөн автоунааларды жеңилдетилген шартта кайра каттоо мөөнөтү бүгүн аяктоодо. Бул тууралуу Мамлекеттик каттоо кызматынын басма сөз катчысы Мелис Эржигитов билдирди. Анын айтымында, бүгүн каттоо бекеттери кечки саат 10го чейин иштейт. Бул тууралуу Азаттык маалымдады.

Үч айлык жеңилдетилген мөөнөт апрелде башталган. Өнөктүк учурунда автоунаанын техпаспортуна акы алынбай турганы, мурунку мамлекеттик номери калтырылары, мамлекеттик төлөм 1%дан 0,1% төмөндөру айтылган.

Бул аралыкта өлкөдөгү автоунаалардын жана айдоочулардын базасы такталды.

Мамлекеттик каттоо кызматынын маалыматы боюнча, учурда Кыргызстанда 1 млн 153 миң чамалуу автонуаа катталган. Алардын 60% ашыгы ишеним кат менен жүрөт.

Булак: NazarNews.kg