Автоунаага кышкы дөңгөлөктөрдү абанын табы күн сайын +5...+7 градус болуп калганда таккан туура. Бул тууралуу "Прайм" агенттигине автотранспорт боюнча адис Егор Васильев билдирди.

Анын айтымында, дөңгөлөк чыгарган ишканалардын бардыгы айдоочуларга дал ушундай кеңеш берет.

"Бирок күздүн күнү эртели-кеч суук болгону менен күндүз күн жылып, асфальт ысып кетерин унутпагыла. Дегеним, кышкы дөңгөлөктөр ысык асфальтты жактыра бербейт. Мындай нерселерди дагы эске алып коюу керек", — деди Васильев.

Андыктан адис айдоочуларга дөңгөлөктү алмаштырып алган соң күн ысып кетсе, автокөлүккө зыян келип калбаш үчүн көп кыйнабай, этият урунууну сунуштайт.

Булак: NazarNews.kg