Аялын сабады деп шектелген жаран Орусияга качып бараткан учурда кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.

Маалым болгондой, 1994-жылы туулган Б.Ф. атту аял 16-августта Улуттук госпиталга ар кандай жаракаттары менен кайрылган.

Ал 15-августта Сокулук районундагы үйлөрдүн биринде күйөөсү ур-токмокко алганын айтып, арыз жазган.

Б.Ф.нын денесинен алган жаракатынын оордугун аныктоо үчүн соттук-медициналык экспертиза дайындалып, кылмыш иши козголгон.

Арыз ээсинин күйөөсү 1989-жылы туулган А.Н., Орусияга кетүүгө аракет кылган учурда шектүү катары кармалган. Ал Сокулук районунун ички иштер башкармалыгынын убактылуу кармоочу жайына киргизилди.

Тергөө иштери уланууда.

Булак: NazarNews.kg