Бишкектин Ленин райондук сотунун Маданият, маалымат, спорт жана жаштар саясаты министрлигинин “Азаттыктын” ишмердүүлүгүн токтотуу боюнча доо арызын кароо боюнча отуруму 9-февралга жылдырылды.

Белгиленгендей, алгач 8-февралда угуу пландалган. Ал эми борбордун шаардык соту түшүндүрмө берди. Сот 9-февралда болот.

Буга чейин Маданият, маалымат, спорт жана жаштар саясаты министрлиги Бишкектин Ленин райондук сотуна “Азаттык Медиа” маалымат каражатынын ишмердүүлүгүн токтотуу боюнча доо арыз менен кайрылганы белгилүү болгон.

2022-жылдын октябрынын аягында Маданият, маалымат, спорт жана жаштар саясаты министрлиги “Азаттык” радиосунун сайтын эки айга токтотконун жарыялаган. Министрлик 16-сентябрда «Current Time» ресурсу («Азаттык» медиасынын ведомстволук түзүмү) «Кыргызстан менен Тажикстандын чек арасында катуу салгылашуулар болуп жатат» деген аталыштагы видеотасманы жарыялаганын, анда «жек көрүүчүлүк сөздөрү, ырасталбаган маалыматтар колдонулган» деп белгилешти. Баткен облусундагы окуяларды чагылдырууда кыргыз тараптын Тажикстанга кол салуусу, коомдогу кырдаалды курчутуучу жана жарандардын ортосунда жек көрүүчүлүктү, дискриминацияны жана бөлүнүүнү пайда кылган маалыматтар.

Эркин Европа Азаттык радиосунун президенти Джейми Флай да билдирүү жасап, "материалдын мазмунун карап чыгып, эч кандай стандарттарды бузууну тапкан жок" деп баса белгиледи.

Булак: NazarNews.kg