www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Эртең, 4-октябрда Кытайда өтүп жаткан Азия оюндарынын алкагында грек-рим күрөшү боюнча мелдештер башталат.
Мелдештин биринчи күнүндө 60, 67, 77 жана 87 кг салмакта балбандар күч сынашат. Кыргызстандын атынан аталган салмактарда Жоламан Шаршенбеков (60 кг), Раззак Бейшекеев (67 кг), Акжол Махмудов (77 кг) жана Атабек Азисбеков таймашка чыгат.
Шаршенбеков беттешин 1/8 финалдан баштап, биринчи атаандашы тажикстандык Асламжон Азизов болот.
Ал эми Раззак Бейшекеев чейрек финалдан баштап күрөшөт. Анын атаандашы тажикстандык Фируз Мирзоражабов менен япониялык Кацуаки Эндонун ортосундагы беттеште аныкталат.
Махмудов да беттешти чейрек финалдан баштап, алгачкы кармашында камбожалык Сопхак Кео менен кез келет.
Атабек Азисбековдун биринчи беттеши 1/8 финалда өтүп, ал ирандык Насер Ализаде менен күрөшөт.
Беттештер Бишкек убактысы боюнча саат 08:00до башталат.
Эскерте кетсек. Азия оюндарынын алкагында күрөш боюнча таймаштар 4-7-октябрда болуп өтөт. Грек-рим, эркин жана кыз-келиндер күрөшү боюнча мелдештер олимпиадалак салмак категориясы боюнча өткөрүлөт: грек-рим күрөшү – 60, 67, 77, 87, 97, 130 кг, эркин күрөш – 57, 65, 74, 86, 96, 125 кг жана кыз-келиндер күрөшү – 50, 53, 57, 62, 68, 76 кг.
Булак: NazarNews.kg
< Предыдущий
Следующий >
Последние новости
