АКШ президенти Джо Байден Кытайдын төрагасы Си Цзиньпин менен телефон аркылуу сүйлөшкөндө орус мунайына чек коюу маселесин көтөргөн жок, деп билдирди АКШ администрациясынын жогорку даражалуу өкүлү. Бул тууралуу РИА Новости жазды.

Эки лидердин телефондук сүйлөшүүсү акыркы бир нече айдан бери биринчи жолу болуп, эки сааттан ашык убакытка созулду. Ак үйдүн маалыматына караганда, Байден менен Си Цзиньпин Тайвандын тегерегиндеги кырдаалды, Украинадагы абалды, ошондой эле эки тараптуу жана глобалдык күн тартибиндеги бир катар башка маселелерди талкуулашты.

«Эки лидердин сүйлөшүүсүндө орусиялык мунайдын баасынын чегин белгилөө маселеси эч кандай формада көтөрүлгөн жок», - деп билдирди брифингде Ак үйдүн өкүлү.

G7 өлкөлөрүнүн лидерлери (Улуу Британия, Германия, Италия, Канада, АКШ, Франция жана Япония) 26-28-июндагы саммитте Орусиядан энергияга болгон көз карандылыкты азайтуу ниетин ырасташты жана орусиялык энергияга болгон бааларды чектөөнү болжолдуу түрдө макулдашты. Июль айынын башында чекти азыркы баанын жарымына коюу сунуштары айтылган.

Bloomberg агенттигинин маалыматына караганда, 40-60 доллар деген цифралар талкууланууда.

Буга чейин Орусиянын Тышкы иштер министрлигинин Экономикалык кызматташуу департаментинин директору Дмитрий Биричевский РИА Новостиге берген маегинде орус мунайына жана газына баанын чегин киргизүү опурталдуу экенин жана мындай учурда энергетикалык кризисти курчутат деп белгилеген.

Батыштын мындай кадамдарынан россиялык компаниялар экономикалык максатка ылайык аракет кылышат. Бааларды чектөө боюнча сунуш талкууланган «Чоң жетиликтин» лидерлеринин жолугушуусунун жыйынтыктарына комментарий берип жатып, ал «теориялык жактан алганда, батыш өлкөлөрү каржылык камсыздоочу компанияларга кысым көрсөтүү жолу менен «баанын чегин» киргизүүгө аракет кылышы мүмкүн экенин белгиледи.

Булак: NazarNews.kg