Бакыт Төрөбаев бөбөктөрдү куттуктады

Журналист: NAZARNEWS

02.06.2017, 2:50

21978

коом

Урматтуу мекендештер жана бөбөктөр!

1-июнь Эл аралык балдарды коргоо күнү катары расмий белгиленип келет. Жыл сайын белгиленген бул майрамда биз балалык камкордукка муктаж экендигин көрүп келебиз. Жараткан бизге балалуу болуу бактысын бергенде, анын келечек тагдырынын жоопкерчилигин да берген эмеспи. Балдарыбыз балалык көз ирмемдерин кандай эстеп калаары ар бирибизге байланыштуу. Албетте балдарды тарбиялоо оңой олтоң иш эмес. Анын турмуш жолундагы баардык кубанычы менен кайгысында ата-эне жана жакын адамдары бирге болуп, кыйынчылыктарды коркпой жеңүүгө, ийгиликтерге жетишүүгө көмөк көрсөтүү биздин милдет. Азыркы мезгилде кичинекей бөбөктөр ата-эне, мамлекет, коом тарабынан аяр мамилеге, камкордукка жана коргоого муктаж болуп турат. Мындан улам биздин балдар таалим-тарбия, сапаттуу билим алууга татыктуу. Өзгөчө, камкордукка муктаж балдар мамлекет тарабынан камсыздалышы шарт. Эртеңки келечегибиз деген балдар, алардын көйгөйү, абалы көз жаздымда калбашы керек. Чынында эле балдардын көйгөйлөрү аз эмес. Учурда өлкөдө мектеп жашындагы балдардын окуудан калып, күнүмдүк турмуштун айынан көчөдө жана базарда калышы көкөй кескен көйгөйдүн бири. Мындан улам эң биринчи балдар маселеси көз жаздымда калбашы керек.

Урматтуу бөбөктөр! жүзүнөрдө күлкү жайнап, балачагыңар бактылуу өтүшүнө тилектешмин.

Урматым менен Бакыт Төрөбаев!

Булак: NazarNews.kg