Мэрдин милдетин аткарып жаткан Балбак Түлөбаев Бишкек шаарынын мэри болууга ниети жок экенин бүгүн, 29-октябрда берген маегинде айтты.

Ал Ысык-Көлдөгү жумушун таштап, борборго башка кызмат үчүн келгендигин кошумчалады.

«Садыр Нургожоевич өзүнүн кичи мекенине келгенде сүйлөшүүлөрдү жүргүздүк. Бишкекке келгенде мени өзүнө чакырып: “3 ай мэрдин милдетин аткаруучу болуп тур. Жаңы мэр шайлангандан кийин эмне кылсаң өзүң чечесиң” деди. Мен макул болдум», – деди ал.Түлөбаев бул кызматта 3-4 ай гана иштерин айтты.

«Мен мэр кызматына барбайм. Жаңы шаардык кеңеш келип, жаңы мэрди шайлашат», – деп кошумчалады.

Булак: NazarNews.kg